دوسوا على الجواب وافتحوا دعوتنا
طيب إحنا هنتجوز !!
والله كنا بنهزر مكنش حد عامل حسابه علي كده
بس اللي حصل بقي بعد كلام وضحك وخروجات بينا
فجأة قررنا نكمل العمر كله سوا
وخلاص وصلنا لـ اللحظة اللي مستنينها من بدري
ومتحمسين نفرح بيها معاكم كلكم
ممكن متتأخروش
عايزينكم معانا من اول دقيقة لحد بابا بيتنا
تعالوا نفرحها سوا.
تفاصيل اليوم
الجمعة، ٢٣ أكتوبر ٢٠٢٦
قاعة رومانيكا - المقطم - إيجيبت فيو
الكورنيش الجديد، محور عبدالمجيد
متتأخروش، عايزين نفرح معاكم من أول دقيقة.
يوم الفرح
لو الطريق لخبطكم،
اتصلوا بينا وإحنا معاكم لحد ما توصلوا.
من أول الحكاية
مفيش حاجه بتحصل صدفة
انا القدر جابني لحد عندها في شغلها عشان اشوف ضحكتها واحبها
والوقت يعدي بينا مع كل قعدة وكلام وخروجات وضحك وهزار ونكد وزعل طبعا
بقينا اقرب لبعض والحكاية قلبت مننا بجد
واهوه احنا بنتجوز دلوقتي وبنعزمكم علي فرحنا
وهنبدأ فصل جديد من حكايتنا في بيتنا
ذكرياتنا
شوية صور مننا،
ومن أيام حلوة عدّت علينا.
كل صورة هنا
لها ذكرى بنحبها.
دعوة حلوة، نصيحة للجواز، أو كلمة من القلب.
بعد الفرح هنقرا الكلام ده،
وغالبًا هنضحك ونتأثر في نفس الوقت.
أغاني الليلة
لو عندكم اغنية حلوة شاركوها معانا
ولو عجبتنا هنضيفها في قايمة أغاني الليلة بتاعتنا
صور الفرح
متنسوش تتصوروا معانا
الليلة دي مبتكررش ونفسنا نتصور مع كل اللي بنحبهم
وبعد الفرح،
ابعتولنا الصور واللقطات اللي عندكم.
أكيد في حاجات حلوة
إحنا مشفناهاش.
لسه مستنيين أول دعوة حلوة.